Qarışqalarla bağlı maraqlı faktlar üzə çıxdı

Qarışqalar haqqında araşdırmalar maraqlı faktların açılmasına səbəb olub.

Bioloqlar bu qənaətə gəliblər ki, qarışqaların ağzındakı xüsusi ifrazat yaraların tez sağalmasına kömək edir.

Qarışqalar yaralanan dostlarının infeksiyalarını müalicə edə bilirlər. Bəzi qarışqalar hətta “cərrah” qabiliyyətlərini nümayiş etdirirlər.

Alimlər qarışqaların müalicə üsulları ilə bağlı apardıqları araşdırmalarda heyvanlar aləmində amputasiyanın ilk nümunələrini aşkar ediblər. Dülgər qarışqalar zədələnmiş yuva yoldaşlarının ayaqlarını “əməliyyatla” müalicə edirlər.

Elm adamları Matabele qarışqalarının yaralı dostlarını yuvalarına apardığını və yaralarını yaladığını müşahidə ediblər. Onlar yaralarını müalicə edərkən tərkibində 50-dən çox yara sağaldan inqrediyent olan xüsusi maddə ifraz edirlər.