Pleyeri seçin:
“Tehran hər 2 istiqamətdə geri salınsa da...” | Netanyahudan açıqlama
İsrailin Baş naziri Benyamin Netanyahu İranın ballistik raketlərin istehsalını yenidən bərpa etdiyini bildirib.
Netanyahu bu barədə “Fox News” telekanalına müsahibəsində danışıb.
Jurnalistin İranın ballistik raketlər və nüvə proqramı sahəsində potensialını nə dərəcədə bərpa etdiyi ilə bağlı sualına cavab verən Baş nazir bildirib ki, Tehran hər iki istiqamətdə geri salınsa da, yenidən fəaliyyət göstərməyə cəhd edir.
“Biz onları hər iki sahədə ciddi şəkildə geri atmışıq, lakin onlar yenidən cəhd göstərəcəklər”, – deyə Netanyahu qeyd edib.
Onun sözlərinə görə, İranın “Fordo” nüvə obyektinin dağıdılmasından sonra Tehran nüvə proqramını digər obyektlərdə bərpa etməyə çalışır.
Baş nazir əlavə edib ki, eyni zamanda ballistik raketlərin istehsalı üzrə obyektin də yenidən fəaliyyətə qaytarılması istiqamətində addımlar atılır və İran bu sahədə artıq istehsala qayıdıb.
Kopyalandı
Seçilmişlər
