Təyyarə qəzasında həlak olanların ailələrindən ürək dağlayan görüntülər
Gürcüstan ərazisində qəzaya uğrayan Türkiyə Hərbi Hava Qüvvələrinə məxsus “C-130” hərbi yük təyyarəsindəki hərbçilərin şəhid olma xəbərləri ailələrinə verilib.
37 yaşlı baş çavuş Emrah Kuranın ailəsinə şəhadət xəbərini verən əsgərin “Osman əmi, artıq bir şəhid atasısan” sözləri ürəkləri dağlayıb. Emrah Kuranın ailəli və 3 övlad atası olduğu bildirilib.
Şəhid olanlar arasında pilot, mayor Serdar Uslu da var. Onun həyat yoldaşının hamilə olduğu və cütlüyün 4 ay sonra körpələrinin dünyaya gələcəyi deyilir.
Üzücü xəbər Tekirdağda şəhid baş çavuş İlker Aykutun da ailə evinə çatdırılıb. Şəhidin atası Ünal Aykut əsgərləri qucaqlayıb və “siz də mənim oğullarımsınız” deyib. 39 yaşlı İlker Aykutun ailəli və bir oğul atası olduğu bildirilib.
Xatırladaq ki, noyabrın 11-də Azərbaycandan Türkiyəyə istiqamətlənən, “C-130” tipli hərbi nəqliyyat təyyarəsi Gürcüstan ərazisində qəzaya uğrayıb. Qəza nəticəsində təyyarədə olan 20 nəfərin hamısının həyatını itirdiyi bildirilir.
#Türkiyə Hərbi Hava Qüvvələri teqi istifadə olunub
- Sibel Canın səhnədə gülərək şəhidləri yad etməsi tənqid olundu
- "C-130" hərbi yük təyyarəsinin özəllikləri
- "İstintaq prosesi aparılır" | Baku TV müxbiri qəzanın olduğu ərazidə
- Türkiyə HHQ Estoniyanın səmasını qoruyacaq | Marqus Tsahkna Hakan Fidanla görüşdə detalları açıqladı
- "Anadolu Ankası - 2025" təlimi başa çatıb | Hərbçilər yüksək peşəkarlıq nümayiş etdirdi
