Təyyarədəki qara çantaların içində nələr var idi? | Gizli şəbəkə ifşa olundu

Suriyanın keçmiş prezidenti Bəşər Əsəd şəxsi pul və məxfi sənədləri özü ilə ölkədən çıxarmaq üçün şəxsi təyyarədən istifadə edib. Bu, inqilabçıların Dəməşqə yaxınlaşdığı vaxt baş verib.

“Reuters”də yayılan məlumata görə, Bəşər Əsədin iqtisadi müşaviri Yaşar İbrahim təyyarə ilə eks-prezidentin qiymətli səhmlərini daşıyırmış.

Birləşmiş Ərəb Əmirliklərinə həyata keçirilən son 4 aviareys vasitəsilə prezident sarayının işçiləri, Bəşər əsədin yaxın qohumları və köməkçiləri Suriyadan çıxarılıb. Bu uçuşlar Bəşər Əsədin hakimiyyətdə olduğu son 48 saat ərzində reallaşdırılıb.

Əsəd şəbəkəsi haqqında məlumatların toplannması üçün Yaşar İbrahimin işçiləri ilə “Whatsapp” yazışmaları və peyk çəkilişlərindən də istifadə edilib. Təyyarədə hər birində 500 milyon dollar olan qara çantaların daşındığı deyilir.

Bundan başqa, qruplaşma barədə məlumatların toplandığı disklər də Suriyadan çıxarılıb. İfşa olunan şəbəkənin fəaliyyəti telekommunikasiya, bankçılıq, maliyyə və energetika kimi sahələri əhatə edib.