Tramp məsələyə reaksiya bildirdi | İsrailin 3-cü dəfə hücum etmək məqsədi

İsrailin Baş naziri Benyamin Netanyahu ordunun İrana üçüncü hücum ehtimalına hazırlığını qiymətləndirə bilmək üçün müdafiə qüvvələri ilə müzakirələr aparıb.

Bu barədə İsrail mediasında məlumat paylaşılıb.

“Axios” saytının iddialarına görə, İsrailin strateji işlər naziri Ron Dermer noyabrın 10-da Donald Trampla görüşdən məmnun qayıdıb. Buna səbəb kimi isə Amerikanın İsrail Hərbi Hava Qüvvələrinə İranın nüvə obyektlərinə zərbə endirməsi zamanı nümayiş etdirə biləcəyi dəstək göstərilir.

Qeyd edək ki, bir neçə gün əvvəl Tramp jurnalistlərin ABŞ-nin İrana zərbə endirmə ehtimalı ilə bağlı sualına cavabında bunun hərbi strategiya olduğunu deyib.

İsrailin İrana 3-cü dəfə hücum edə bilmə fikrinə gəlməsində başlıca səbəb kimi Suriyada devrilən Əsəd rejimi və bununla zəifləyən İran aspekti göstərilir. “Ynet”mətbu orqanı isə iddia edir ki, “Mossad”ın direktoru David Barnea Tehranın Yəməndə fəaliyyət göstərən proksi qüvvələrinə husilərin İsrailə hücumlarına cavab olaraq İrana zərbə endirməsinə çağırış edib.