Pleyeri seçin:
Tramp Rusiya-Ukrayna müharibəsinə qarışmağına peşman oldu | Danışıqlar Vatikanda olacaq?
Rusiya Prezidenti Vladimir Putinlə telefon danışığından sonra ABŞ Prezidenti Donald Tramp bildirib ki, tərəflər arasında sülh danışıqlarında irəliləyiş olacaq.
“Fox News”un məlumatına görə, D.Tramp V.Putinin sülh istəyinin səmimiliyinə inanır. Ağ Ev rəhbərinin fikrincə, Vladimir Putin müharibədən bezib.
Volodimir Zelenskinin sülh üçün kifayət qədər iş gördüyü ilə bağlı suala isə D.Tramp “hazırda buna cavab verə bilmərəm. İki həftədən sonra “bəli”, yaxud “xeyr” demək olacaq” cavabını verib.
D.Tramp əlavə edib ki, yeni Roma Papası 14-cü Leo da tərəflər arasında vasitəçilik etmək istəyir.
“Bunun üçün sülh danışıqlarını Vatikanda aparmaq yaxşı olardı”, ‒ deyə ABŞ Prezidenti bildirib.
Bununla yanaşı, D.Tramp Rusiyaya qarşı yeni sanksiyaların tətbiqinə də tələsmir. Onun fikrincə, Ukraynadakı münaqişə Avropanın problemi olaraq qalmalıydı, heç ABŞ problemə qarışmalı deyildi.
Kopyalandı
Seçilmişlər
