Trampdan Xamenei ilə bağlı sensasiyalı açıqlama - Baku TV

ABŞ Prezidenti Donald Tramp İranın Ali Rəhbəri Müctəba Xameneinin sağ olduğu fikrindədir.

Tramp bu barədə amerikalı şərhçi Qlenn Bekə müsahibəsində bildirib.

"O, ciddi şəkildə yaralanmışdı. Bədəninin sol tərəfi, qolu və ayağından bərk xəsarət almışdı. Mən onun öldüyünü düşünmürəm. Əgər ölübsə də, İran rəsmiləri kifayət qədər yaxşı tamaşa göstərirlər, onlar bu və ya digər məsələlərlə bağlı yekun təsdiq almaq üçün daim onun yanına getdiklərini deyirlər", – deyə ABŞ lideri vurğulayıb.

Bununla yanaşı, o, ABŞ-nin tezliklə İranda böyük qələbəyə nail olacağına inanır. Ağ Ev rəhbərinin fikrincə, həm iqtisadi təzyiq, həm də hərbi əməliyyatlar effektivdir və İranla dialoq üçün tələsmir.

Tramp sonda Hörmüz boğazının minalardan təmizləndiyini, hazırda boğazın açıq olduğunu və neft ixracının davam etdiyini diqqətə çatdırıb.