Pleyeri seçin:
Trampın planlaşdırılmış hər hansı telefon danışığı yoxdur | Kerolayn Livitt
Ağ Evin mətbuat katibi Kerolayn Livitt ABŞ Prezidenti Donald Trampın Ukrayna üzrə sülh prosesindən geri çəkilmədiyini və danışıqlarda dərindən iştirak etdiyini bildirib.
Jurnalistlərin suallarını cavablandıran Livitt qeyd edib ki, hazırda Trampın Rusiya və ya Ukrayna liderləri ilə planlaşdırılmış hər hansı telefon danışığı yoxdur. Bununla belə, Prezident proseslə bağlı mütəmadi olaraq məlumatlandırılır.
Onun sözlərinə görə, Trampın müşavirləri Cared Kuşner və xüsusi elçisi Stiv Uitkoff sülh danışıqları barədə Prezidentə davamlı hesabat təqdim edirlər.
Ağ Ev sözçüsü ötən həftəsonu mediada geniş işıqlandırılmayan çoxtərəfli görüşün keçirildiyini və bu görüşün “tarixi xarakter daşıdığını” vurğulayıb.
Bildirilib ki, Trampın komandası müharibənin hər iki tərəfini sülhə doğru irəlilətmək məqsədilə bir araya gətirib. “Beləliklə, Prezident sülh prosesindən əl çəkmir”, – deyə Livitt qeyd edib.
Kopyalandı
#Kerolayn Livitt teqi istifadə olunub
Seçilmişlər
