Türkiyədə İŞİD-ə qarşı növbəti əməliyyat | 51 nəfər saxlanıldı

Türkiyədə İŞİD terror qruplaşması ilə əlaqədə şübhəli bilinənlərə qarşı növbəti əməliyyat keçirilib.

Bu barədə ölkənin daxili işlər naziri Ali Yerlikaya “X” sosial şəbəkə hesabında paylaşım edib.

Bildirilib ki, xüsusi xidmət orqanlarının 4 gün ərzində 21 əyalətdə həyata keçirdiyi əməliyyatlarda İŞİD terror təşkilatı ilə əlaqəli 51 nəfər şübhəli şəxs kimi saxlanılıb. Ən böyük əməliyyat Ankarada keçirilib, burada 10 nəfər saxlanılıb. Bununla yanaşı, İŞİD-in fəaliyyətinə aid xeyli sayda sənəd və rəqəmsal media da ələ keçirilib.