Türkiyədə itkin düşən Narinlə bağlı acı xəbər

Türkiyədə Diyarbakırın Bağlar mahalının Tavşantəpə rayonunda itkin düşən Narin Güranın meyiti tapılıb.

Bunu ölkənin daxili işlər naziri Ali Yerlikaya açıqlayıb.

“Təəssüflər olsun ki, Diyarbakırın Bağlar mahalı Tavşantəpə rayonunda itkin düşən Narin qızımızın cansız bədəni jandarma qruplarımız tərəfindən tapıldı. Narin qızımıza Allahdan rəhmət diləyirəm. Məkanı cənnət olsun”, – deyə nazir “X” sosial şəbəkəsində yazıb.

Qeyd edək ki, Narin Güran avqustun 21-dən axtarışda idi. Onun əmisi istintaq çərçivəsində saxlanılaraq sentyabrın 2-də həbs edilib.