Türkiyədə tədris prosesi dayandırıldı | Zəlzələnin fəsadları açıqlandı

Türkiyədə baş verən 5,9 maqnitudalı zəlzələ nəticəsində yaralananların sayı artıb. 200 nəfərə yaxın şəxsin xəsarət aldığı bildirilir.

Bu barədə Elazığ vilayətinin valisi Numan Hatipoğlu məlumat verib.

Onun sözlərinə görə, zəlzələ nəticəsində iki binaya ziyan dəyib.

Yeraltı təkanlar ilə əlaqədar ölkənin Malatya, Elazığ, Şanlıurfa, Batman ve Adıyaman vilayətlərində tədris prosesi birgünlük dayandırılıb.

Türkiyənin daxili işlər naziri Ali Yerlikayanın "X" hesabında etdiyi paylaşımda Malatya, Elazığ və Şanlıurfa vilayətlərinin hər birində azı 1 binanın qismən çökdüyü vurğulanıb.

Onun sözlərinə görə, yeraltı təkanlar ilə əlaqədar indiyə kimi “112” qaynar xəttinə 374 müraciət daxil olub.

Qeyd edək ki, yeraltı təkanlar 10 kilometr dərinlikdə qeydə alınıb.