Pleyeri seçin:
Ukrayna digər ölkələrə silah ixrac edəcək?
Ukrayna Prezidenti Volodimir Zelenski Ukrayna Təhlükəsizlik Xidmətinin Rusiyaya qarşı əməliyyatlar planını təsdiqlədiyini açıqlayıb.
O, müvafiq bəyanatı özünün “Telegram” kanalında yayıb.
Zelenski həmçinin Ali Baş Komandan Aleksandr Sırskinin məruzəsini dinləyib və ondan sonra Rusiyanın əhəmiyyətli itkilər verdiyini bildirib.
"Mən xidmətin bəzi planlarını, Rusiya müharibəsinə asimmetrik cavablarımızı təsdiqlədim. İndi diqqət təbii olaraq bizim əks-hücumumuz olan Dobropillya əməliyyatına yönəlib. Digər bütün rayonlarda da müdafiəmiz davam edir", ‒ deyə Zelenski əlavə edib.
Ukrayna liderinin sözlərinə görə, uzunmənzilli pilotsuz uçuş aparatlarının raketləri daha effektiv olub.
Zelenski sonda qeyd edib ki, Ukrayna Avropa, ABŞ və digər ölkələrə silah ixracı etməyə hazırdır. Lakin bir şərtlə: Qərb bu texnologiyaların qorunmasına zəmanət verməlidir.
Kopyalandı
#Ukrayna Təhlükəsizlik Xidməti teqi istifadə olunub
Seçilmişlər
