Ukrayna Ordusu yeni silahlarla güclənir | Zelenski ruslara gözdağı verdi

Ukrayna Silahlı Qüvvələri və ölkənin hərbi-sənaye kompleksi nümayəndələri yeni “Ruta” raketinin uğurlu sınaqlarını keçiriblər.

Bu barədə Prezident Volodimir Zelenski Boris Paton adına Ukrayna Milli Mükafatının təqdimetmə mərasimində bildirib.

Ukrayna lideri həmçinin vurğulayıb ki, 2024-cü ilin avqustunda ilk dəfə döyüş şəraitində istifadə edilən yeni uzaqmənzilli “Palyanitsya” raket-dronu seriyalı istehsala buraxılıb.

“Raket-dron “Peklo” da ilk döyüş sınaqlarını uğurla keçib. Bu günlərdə Müdafiə Qüvvələrimizə ilk partiyanı təhvil verdik. Uzaqmənzilli “Neptun” isə tezliklə işğalçılar üçün dəhşətli reallığa çevriləcək”, – deyən Zelenski əlavə edib ki, Ukraynaya ədalətli sülh gətirəcək olan budur.

Qeyd edək ki, “Ruta”nın əsas üstünlüyü – aşağı qiymət, faydalı yük ölçüsü və yüksək sürət bu raketi çoxsaylı missiyaların yerinə yetirilməsi üçün ideal vasitəyə çevirir.