Pleyeri seçin:
Ukraynalı ailəsini atıb Rusiyanın tərəfində döyüşən Sarkisyanın etirafı
Xəbərlərimizi Google-da izləyin
Yeniliklərdən dərhal xəbərdar olun
Moskvadakı yaşayış kompleksində “Donbas Xalq Respublikası”nın “boks federasiyasının prezidenti”, “Arbat” batalyonunun yaradıcısı Armen Sarkisyanın sui-qəsd nəticəsində öldürülməsindən sonra erməni mətbuatında Ukraynaya xəyanət edən ermənilər haqqında maraqlı faktlar dərc olunur.
Ekspert Areq Marqaryan Rusiya Ordusunun tərkibində Ukraynaya qarşı döyüşən Ayk Sarkisyan haqqında yazıb.
Bildirilib ki, Ermənistanda doğulan Ayk Sarkisyan uzun illər Ukraynada yaşayıb, ukraynalı xanımla ailə qurub, övladları var. Rusiyanın 2022-ci ildə irimiqyaslı hücumundan sonra A.Sarkisyan vətəndaşı olduğu ölkəni, arvadı və qızını ataraq Ermənistana qaçıb.
Bir müddət Ermənistanda yaşlı valideynləri ilə birlikdə yaşayan A.Sarkisyan daha sonra Rusiyanın müharibə üçün muzdlulara külli miqdarda pul ödədiyini öyrənib və Ukraynaya qarşı döyüşmək üçün Rusiyaya gedib. O, burada böyük pullar müqabilində Ukraynaya qarşı döyüşən xarici muzdlular dəstəsinə qoşulub.
A.Sarkisyan özü bu barədə etiraf edib:
“Həyat yoldaşım və qızıma qarşı əclaf addım atdığımı başa düşürəm. Amma mən belə imkanı əldən verə bilməzdim. Müqaviləm 6 aylıq idi və başa çatanda bank kartıma böyük məbləğdə pul köçdü. Özümə maşın alıb Ermənistana qayıtdım, borclarımı ödədim, maliyyə məsələləri ilə bağlı olan problemlərimi həll etdim, valideynlərimin səhhəti ilə məşğul oldum”.
Kopyalandı
Seçilmişlər
