Ukraynanın birinci xanımı ABŞ-nin dəvətindən niyə imtina etdi?
Yeniliklərdən dərhal xəbərdar olun
Ukrayna Prezidentinin həyat yoldaşı Yelena Zelenskaya martın 7-də ABŞ Prezidenti Cozef Baydenin Senat və Nümayəndələr Palatasında illik çıxışında iştirak etmək dəvətindən imtina edib.
Ölkənin “The Washington Post” nəşrinin yaydığı məlumata görə, Zelenskayanın Aleksey Navalnının həyat yoldaşı Yuliyanın yanında oturacağı planlaşdırılıb. Bu isə ukraynalılar arasında diskomforta səbəb olub. Buna səbəb isə Navalnının Krımla bağlı açıqlamalarının ölkə vətəndaşlarının narazılığı ilə qarşılanması olub.
Bundan əlavə, Ukraynanın birinci xanımı insanlarda ölkəsinin Cozef Baydenlə çox yaxın əlaqəsinin olduğu təsəvvürünü yaratmaqdan çəkinib.
Məlumatda bildirilib ki, Ukrayna Prezidenti Volodimir Zelenski ABŞ-nin rəsmi Kiyevə hərbi yardım göstərməsi məsələsinin daha da siyasiləşdirilməsini istəmir.
Qeyd edək ki, Ağ Evin mətbuat katibi Karine Jan-Pyer brifinqdə çıxışı zamanı ABŞ liderinin Ukraynanın birinci xanımı Yuliyaya dəvət ünvanladığını, lakin onun iştirak edə bilməyəcəyini bildirib.
#ABŞ teqi istifadə olunub
- İran nüvə müqaviləsindən çıxdı | ABŞ, İsrail və İran arasında gərginlik daha da artacaq? - Baku TV
- Ukraynaya NATO-nun 5-ci maddəsinə bənzər təminat verilə bilərmi? - Baku TV
- İsrail və ABŞ İrana qarşı yeni hərbi əməliyyat ehtimalını müzakirə edir - Baku TV CANLI
- ABŞ və İsrail yeni hərbi əməliyyatı nəzərdən keçirir
- "Mossad"ın gizli dosyesi Trampın qərarını dəyişəcək? - Baku TV
