Ukraynaya dəhşətli PUA hücumu Avropaya da... | Zelenskidən kritik açıqlama

Ukrayna Rusiyanın PUA hücumuna məruz qalıb.

Bu ölkənin kütləvi informasiya vasitələrində yayılan məlumatlara görə, dronlar Odessaya istiqamətlənib. Bu hücum Qara dənizdən “Şahed” PUA-ları ilə həyata keçirilib.

Xarkova da bir neçə zərbə endirilib. Hətta Xolodnoqoryedə yanğın qeydə alınıb.

Hökumətin Xarkovdakı adminstarasiyasının sədri Oleq Sinequbov bildirib ki, 5 partlayış səsi eşidilib.

Bu arada, Ukrayna Prezidenti Volodimir Zelenski Almaniyanın xarici işlər naziri Annalena Berbokla görüşdən sonra birgə brifinq zamanı Ukraynanın gələcək təhlükəsizliyi ilə bağlı danışıb. Daha dəqiq desək, o, gələcək təhlükəsizliyin sığortası ilə əlaqədar ABŞ Prezidenti Donald Trampa dediklərini açıqlayıb.

Məlum olub ki, Zelenski Trampdan dərin kəşfiyyatda dəstək istəyib. Buraya peyk əlaqəsi və yeni texnologiyalar da aiddir.

“Prezident Trampla hava məkanının müdafiəsi barədə danışmışam. Çünki bu, mühüm məsələdir. Əgər Ukraynanın bütün hava məkanını “Patriot” sistemi ilə bağlasaq, bu, ABŞ tərəfdən Ukraynanın təhlükəsizliyinə ciddi dəstək olar”, ‒ o qeyd edib.

Brifinqdə aprelin 4-də tərəfdaşlarla baş tutacaq görüşdən də bəhs edilib. Belə ki, bəzi ölkələr Ukraynaya öz silahlı kontigentini yerləşdirmək barədə düşünür.

“Bu görüşdə Kiyev daha konkret cavablar alacaq. Tərəfdaşlarla müzakirələr Ukraynanın təklifləri ətrafında aparılacaq”, ‒ Zelenski əlavə edib.

Qeyd edək ki, həmin görüşdə Ukrayna ordusunun gələcəyi də müzakirə predmeti olacaq. Avropa ölkələri Ukrayna Silahlı Qüvvələrini öz təlim və silahları ilə gücləndirmək istəyir.