Dünya
Pleyeri seçin:
Vatikanda Tramp və Zelenskinin gözlənilməz görüşünün detalları | Heç bir sözə ehtiyac yoxdur...
Ukrayna Prezidenti Volodimir Zelenski aprelin 26-da Papa Fransiskin dəfn mərasimi ərəfəsində ABŞ Prezidenti Donald Tramp ilə Vatikanda görüşüb.
Ukraynanın xarici işlər naziri Andrey Sibiqa “X” sosial şəbəkə hesabında paylaşım edərək məlumatı təsdiqləyib.
“Bu tarixi görüşün əhəmiyyətini təsvir etmək üçün heç bir sözə ehtiyac yoxdur”, – deyə o qeyd edib.
A.Sibiqa iki liderin Vatikanın Müqəddəs Pyotr Bazilikasında sülh uğrunda bir araya gəldiyini vurğulayıb.
Görüş haqqında jurnalistlərə açıqlama verən Ukrayna Prezidentinin mətbuat katibi Sergey Nikiforov isə bildirib ki, görüş 15 dəqiqə davam edib. Volodimir Zelenski və Donald Tramp danışıqları davam etdirməyə razılaşıblar. Məlumata görə, komandalar görüşün davamının təşkili üzərində işləyirlər.
Kopyalandı
Seçilmişlər
