Pleyeri seçin:
Yəmən ordusunun hökumət qüvvələri husilərə qarşı yeni hərbi əməliyyat həyata keçirib - Baku TV
Yəmənin beynəlxalq səviyyədə tanınmış hökumətinə bağlı silahlı qüvvələr “Ənsar Allah” hərəkatına qarşı hərbi əməliyyat keçirib.
Bu barədə Müdafiə Nazirliyinin sözçüsü polkovnik Macid ən-Nüzeyli məlumat verib.
Onun sözlərinə görə, əməliyyat Məarib və Hədrəməvt vilayətlərində husilərin hücumlarına cavab olaraq həyata keçirilib.
O bildirib ki, hökumət qüvvələri təmas xəttinin bir neçə istiqamətində husilərin mövqelərinə və hərbi vasitələrinə zərbələr endirib.
Ən-Nüzeyli hücumlar nəticəsində hərbçi və mülki şəxslərin öldüyünü və yaralandığını qeyd edib.
Yəmən Ordusu husiləri ölkəni regional münaqişələrə cəlb etməkdə ittiham edib və onların hücumlarına qəti hərbi tədbirlərlə cavab veriləcəyini açıqlayıb.
Kopyalandı
#Yəmən Ordusu teqi istifadə olunub
Seçilmişlər
