8 il sonra bacısının qisasını aldı

Qardaş bacısının intihar məktubuna görə qətl törədib.

Belə ki, Zəfər Sultanov (ad və soyad şərtidir) 8 il ölkə xaricində yaşasa da, daha sonra doğulub boya-başa çatdığı qəsəbəyə qayıdır. Paltar mağazalarından birində satıcı işləyən Z.Sultanov öz həyatını yaşayır və illər öncə baş vermiş hadisəni, bacısının ölümünü unutmağa çalışır.

Qəsəbə sakini Riyad Bəxtiyarzadə Zəfərin illər əvvəl intihar etmiş bacısının ölümündə təqsirkar qismində dindirilsə də, buraxılmışdı. O, Zəfərin xaricdən geri qayıtdığını bilir, onu rahat buraxmırdı.

Bir gün o, küçədə Zəfəri görüb, qarşısını kəsir və nalayiq ifadələrlə davaya sövq etməyə çalışır. Lakin Riyad ona baş qoşmur və yoluna davam edir. Bir müddət sonra vaxtını keçirmək üçün qəsəbədəki çayxanalardan birinə gedən Riyad içəridə Zəfərin oturduğunu görür və onu namussuz adlandırır. Bu səbəbdən onlar arasında dava düşür. Bir ay sonra Riyad Zəfərə zəng edərək bacısı ilə münasibətdə olduğunu və ona qarşı əxlaqsız hərəkətlər etdiyini deyir.

Qəzəbinə hakim olmağa çalışan Zəfər təsadüfən bacısına aid məktubu tapır və orada yazılanları oxuyur. Daha sonra atasının silahı ilə Riyadın yaşadığı evə gəlir. Əvvəlcə onun qarşısına Riyadın həyat yoldaşı çıxır. Zəfər səs-küyə çölə çıxan Riyada odlu silahdan ard-arda bir neçə atəş açır. Riyad elə hadisə yerində həyatını itirir.

Beləliklə, 8 il əvvəl baş vermiş hadisədə ölmüş bacısının qisasını aldığını düşünən Zəfər hadisə yerindən birbaşa polis idarəsinə gedərək hüquq-mühafizə orqanları əməkdaşlarına təslim olur.