Ağdamda ekskavator minaya düşdü

Ağdamda ekskavator minaya düşüb.

Daxili İşlər Nazirliyindən verilən məlumata görə, hadisə rayonun Əfətli kəndindəki əkin sahəsində baş verib. Kənd sakini Elmir Yusifov ekskavatorla təsərrüfat işləri ilə məşğul olarkən nəqliyyat vasitəsi torpağa basdırılmış partlamamış mərmiyə toxunub. Nəticədə partlayış baş verib.

Hadisə zamanı texnikaya ziyan dəyib. Ekskavatorun sürücüsü Elmir Yusifov isə yüngül dərəcəli xəsarətlər alıb. Hazırda araşdırma aparılır.