Avtomobil beton arakəsməyə çırpıldı | Yaralılar var

Ucarda yol-nəqliyyat hadisəsi baş verib.

Bakı-Qazax əsas magistral yolunun rayonun Qazıqumlaq kəndindən keçən hissəsində Bakı istiqamətində hərəkətdə olan “Land Rover” markalı minik avtomobili idarəetmədən çıxaraq arakəsməyə çırpılıb.

Nəticədə Bakı şəhər sakinləri – 1962-ci il təvəllüdlü Tamella Rəsul qızı Şıxəliyeva və 1985-ci il təvəllüdlü Könül Zabil qızı Əsgərova təcili tibbi yardım avtomobili ilə Ucar Mərkəzi Rayon Xəstəxanasına gətiriliblər. Zərərçəkənlərə ilkin tibbi yardım göstərildikdən sonra onlar Göyçay xəstəxanasına göndəriliblər.

Faktla bağlı araşdırma aparılır.