Balkondan baxdım ki, kimsə yerdə uzanıb | Bakıda bədbəxt hadisə

Paytaxtda bədbəxt hadisə baş verib.

Nizami rayonunun Bəhruz Nuriyev küçəsindəki çoxmərtəbəli yaşayış binasının 16-cı mərtəbəsindən 23 yaşlı Yaftun Yaşar oğlu Orucov özünü atıb.

O, hadisə zamanı ərazidə mühafizəçi olan 1972-ci il təvəllüdlü Namiq Məmiyevin üzərinə düşüb. Hər iki şəxs aldığı xəsarətlərdən hadisə yerindəcə dünyasını dəyişib.

Hadisə şahidi özünü atan şəxsin sözügedən binada yaşamadığını söyləyib:

“Deyildi ki, liftə kənar şəxs girib. Mən də onu tutmaq üçün pilləkənlə çıxdım. Həmin vaxt pəncərədən yaşıl geyimdə bir nəfərin aşağıya doğru düşdüyünü gördüm. Altıncı mərtəbənin balkonundan baxanda gördüm ki, kimsə yerdə uzanıb. Kim olduğunu öyrənmək üçün aşağıya düşdüm. Yerdə iki nəfər var idi. Ölənlərdən biri də bizim öz yoldaşımız imiş”.