Bu yoldan keçənlər diqqətli olsun | Bakıda qorxulu qəza - Baku TV

Qaradağ rayonunun Lökbatan qəsəbəsi ərazisində, Kənar Dairəvi yolda yol-nəqliyyat hadisəsi baş verib.

Hadisə səhər saat 10 radələrində qeydə alınıb. Yük avtomobilinin ön təkərinin çıxması nəticəsində nəqliyyat vasitəsi aşıb.

Qəza zamanı yük maşınının kabin hissəsi ciddi zədələnib, təkəri isə yerindən çıxaraq yola düşüb. Bundan başqa, yük avtomobilindən yağ və digər mayelər yolun hərəkət hissəsinə dağılıb. Bu isə ərazidə sürüşkənlik yaradıb və sürücülər üçün təhlükə meydana gətirib.

Hadisədən sonra yolda uzunmüddətli nəqliyyat sıxlığı yaranıb. Aidiyyəti qurumların müdaxiləsindən sonra yük avtomobili ərazidən kənarlaşdırılıb və nəqliyyatın hərəkəti bərpa olunub.

Hazırda ərazidə yolun təmizlənməsi işləri aparılır. Sürücülərə həmin hissədən keçərkən sürəti azaltmaq və ehtiyatlı hərəkət etmək tövsiyə olunur.