Goranboyda məktəblilər arasında insident oldu | Bıçaqlanan var

Goranboyda şagirdlər arasında insident baş verib.

Hadisə rayonun Dəliməmmədli şəhərində yerləşən tam orta məktəbdə qeydə alınıb.

Məktəb rəhbərliyi hadisə barədə danışmaq istəməsə də, Gəncə-Daşkəsən Regional Təhsil İdarəsi məsələyə münasibət bildirib. Qeyd olunub ki, idarənin və rayon təhsil sektorunun əməkdaşları təhsil müəssisəsində olublar. Həmçinin aidiyyəti qurumlara məlumat verilib.

Daxili İşlər Nazirliyindən bildirilib ki, Goranboy Rayon Polis Şöbəsinin əməkdaşlarının keçirdikləri müvafiq tədbirlər nəticəsində Dəliməmmədli şəhərində yerləşən tam orta məktəbin 11-ci sinif şagirdi A.Seyxova bıçaqla xəsarət yetirən şəxsin U.Tağıyev (sinif yoldaşı) olması müəyyən edilib. Hazırda müvafiq araşdırmalar davam etdirilir. Araşdırmaların nəticəsindən asılı olaraq məsələyə hüquqi qiymət veriləcək.