Həyatını itirən azyaşlı ilə bağlı həkimdən açıqlama | Vəziyyəti stabilləşdi, amma...

İmişlidə 4 yaşlı uşaq ölüb. Azyaşlıya antibiotik vurulduqdan sonra onun şoka düşdüyü bildirilir.

İmişli Rayon Mərkəzi Xəstəxanasından bildirilib ki, martın 2-si saat 18:50-də 2021-ci il təvəllüdlü şəxs (qadın cinsli) Təcili və təxirəsalınmaz tibbi yardım şöbəsinə bir neçə gün davam edən yüksək hərarət şikayəti ilə hospitalizasiya edilib.

Azyaşlı xəstəyə hipertermiya diaqnozu təyin olunub, zəruri tibbi yardım göstərilib. Xəstənin vəziyyəti stabilləşdiyi üçün valideynlərinin istəyi ilə müalicəsinin Qaradonlu Ailə Sağlamlıq Mərkəzində davam etdirilməsi qərarı verilib.

Azyaşlıya Qaradonlu Ailə Sağlamlıq Mərkəzində tibbi yardım göstərilib. Lakin o, şok vəziyyətinə düşüb, yenidən İmişli Rayon Mərkəzi Xəstəxanasına hospitalizasiya edilib. Həkimlərin çoxsaylı cəhdlərinə və göstərilən bütün tibbi müdaxilələrə baxmayaraq, azyaşlının həyatını xilas etmək mümkün olmayıb.