Keçmiş məhkum polisləri qətlə yetirdi | Şüvəlanda dəhşətli hadisə
Paytaxtın Xəzər rayonu Şüvəlan qəsəbəsində iyunun 24-də əvvəllər dəfələrlə məhkum olunan, hazırda axtarışda olan 38 yaşlı Allahverdiyev Rövşən Oqtay oğlu polis əməkdaşları tərəfindən saxlanılarkən silahlı müqavimət göstərib.
Bu barədə Daxili İşlər Nazirliyinin və Baş Prokurorluğun yaydığı birgə məlumatda bildirilib.
Qeyd olunur ki, o, polis əməkdaşlarına mane olmaq məqsədilə ailə üzvlərini önə verərək yayınmağa və cavab tədbirlərinin qarşısını almağa cəhd edib, yaranmış vəziyyətdən istifadə edərək “Lancaster” markalı ov silahından atəş açaraq 3 nəfər polis əməkdaşını və 1 nəfər mülki vətəndaşı qətlə yetirib. Davam etdirilən tədbirlərlə Rövşən Allahverdiyev polis əməkdaşları tərəfindən zərərsizləşdirilib.
Faktla bağlı cinayət işi başlanılıb, istintaq hərəkətləri davam etdirilir.
Qeyd edək ki, əməliyyat zamanı həlak olan polis əməkdaşlarının kimliyi məlum olub. Onlar polis kapitanı Eldəniz Məmmədov, polis serjantları Mahir Ağayev və Mirəli Heydərovdur. Vəfat edən serjantlar Daxili İşlər Nazirliyinin Çevik Polis Alayının əməkdaşları olub.
#Şüvəlan qəsəbəsi teqi istifadə olunub
- Şüvəlan qəsəbəsindəki yeni ictimai çimərliklərə mediatur təşkil edilib
- "Yayda susuzluqdan qırılırıq..." | Bakı kəndlərinin sakinləri niyə suya həsrət qalıb?
- Şüvəlanda dərdi də, təmiri də bitməyən park | Uşaqların həyatı təhlükədə qalıb
- Qonşular Bakıda oğulun anasını qətlə yetirməsindən danışdı | Elə yaxşı uşaqdır ki...
- Şüvəlanda film kimi hadisə | “Qazprom”un sabiq vəzifəli şəxsi müəmmalı detalları açıqladı
