Hadisə
Pleyeri seçin:
Morqa aparılacaq, şəxsiyyətləri dəqiqləşdiriləcək | Qazaxıstan Baş nazirinin müavinindən açıqlama
Aktau yaxınlığında AZAL-ın təyyarəsinin qəzaya uğraması nəticəsində 38 nəfər ölüb.
Bu barədə “Tengrinews” Qazaxıstan Baş nazirinin müavini Kanat Bozumbayevə istinadən məlumat yayıb.
Hazırda Aktauda olan Baş nazirin müavini Kanat Bozumbayev sərnişin təyyarəsinin qəzaya uğramasının təfərrüatlarını açıqlayıb.
Onun sözlərinə görə, hazırda 38 nəfərin öldüyü məlumdur.
Baş nazirin müavini yanmış meyitlərin tanınmaz halda olduqlarını, onların morqa aparılacağını və şəxsiyyətlərinin müəyyənləşdiriləcəyini qeyd edib.
K.Bozumbayev onu da bildirib ki, 29 nəfər, o cümlədən iki uşaq qəza nəticəsində xəsarət alıb. Yaralılardan 11-nin vəziyyəti ağır, yerdə qalanların isə orta ağır qiymətləndirilir.
Baş nazirin müavini onu da bildirib ki, sağ qalanlar arasında Qazaxıstan vətəndaşları yoxdur:
“Orada hələlik bir qadın var ki, huşu özündə olmadığından onun şəxsiyyətini müəyyən etmək mümkün deyil. Sənədləri də yoxdur, o, xəstəxanadadır”.
Kopyalandı
Seçilmişlər
