Pəncərini sındırıb içəri girdik, gördük ki... | Ucarda bədbəxt hadisənin detalları

Ucarda bədbəxt hadisə baş verib. Hadisə şəhərin Oğuz küçəsində qeydə alınıb.

Belə ki, şəhər sakini, 65 yaşlı Gülarəxanım Quliyeva yaşadığı evdə ehtiyatsızlıqdan yıxılaraq xəsarətlər alıb. O, yaxınlarının köməyi ilə xəstəxanaya aparılsa da, həyatını xilas etmək mümkün olmayıb.

“Eşitdik ki, yıxılıb, beyninə qaz sızıb. Xəstəxanaya apardıq, bir gecə qaldı, səhər rəhmətə getdi. Təzyiqi çox idi, şəkəri də var idi. Tək yaşayırdı, balaları ailəlidir, hamısı uzaqdadır”, – deyə mərhumun qohumu Mətanət Gözəlova bildirib.

Ucar Rayon Mərkəzi Xəstəxanasından verilən məlumata görə, xəstəyə ilkin tibbi yardım göstərildikdən sonra Reanimasiya şöbəsinə yerləşdirilib.

Göstərilən tibbi müdaxilələrə baxmayaraq, səhər saatlarında xəstədə ürək-damar və tənəffüs çatışmazlığı, eləcə də baş beyin ödemi diaqnozu ilə ölüm faktı qeydə alınıb.

Faktla bağlı araşdırma aparılır.