Pleyeri seçin:
Qızılağac Milli Parkındakı yanğın məhdudlaşdırılıb
Qızılağac Milli Parkının Neftçala rayonu hissəsində başlamış yanğın nisbətən məhdudlaşdırılıb.
Yanğının şiddəti o qədər güclü olub ki, qonşu rayonlardan belə tüstü buludları müşahidə edilib.
Avqustun 6-sı günorta saatlarında başlanan yanğınla əlaqədar Fövqəladə Hallar Nazirliyinin Dövlət Yanğından Mühafizə Xidmətinin qüvvələri və Aviasiya dəstəsinin iki helikopteri də hadisə yerinə cəlb edilib.
Əldə etdiyimiz məlumata görə, yanğın məhdudlaşdırılsa da, tam söndürülməsi istiqamətində işlər davam edir. Hazırda parka giriş təhlükə səbəbi ilə bağlanıb.
Qeyd edək ki, Xəzər dənizi sahilində yerləşən Qızılağac parkı Lənkəran, Masallı və Neftçala rayonlarını əhatə edir. Milli Parkda yüzlərlə unikal flora və fauna növləri mövcuddur.
Kopyalandı
Seçilmişlər
