"Həkimə aparanda bilmişəm ki, qızım hamilədir" | Ucarda 15 yaşlı yeniyetmə ana oldu - Baku TV

Ucar rayon sakini 15 yaşlı yeniyetmə kəskin sancılarla Ucar Rayon Mərkəzi Xəstəxanasının Doğum şöbəsinə yerləşdirilib.

Təbii doğuşla dünyaya gələn oğlan uşağının və ananın vəziyyəti həkimlər tərəfindən kafi qiymətləndirilir.

Yeniyetmənin anası Günel Əmrahova qızının təcavüz nəticəsində hamilə qaldığını bildirib:

“Qonşumuz Saqi Vəliyev 15 yaşlı qızıma təcavüz edib. Həmin hadisə nəticəsində də qızım hamilə qalıb. Martın 31-də qızımı Ağdaşda ginekoloqa aparmışam. Orada bilmişəm ki, övladım hamilədir”.

Məsələ ilə bağlı TƏBİB-dən bildirilib ki, 15 yaşlı yeniyetməyə 31-32 həftəlik hamiləlik diaqnozu təyin edilib:

“Pasiyent saat 20:20 radələrində kişi cinsli, çəkisi 1900 qram, boyu 44 santimetr olan uşaq dünyaya gətirib”.

Daxili İşlər Nazirliyinin mətbuat xidmətindən verilən məlumata görə, məsələ ilə bağlı cinayət işi başlanılıb, istintaq tədbirləri davam etdirilir.