"Tapa bilmirik, 5 uşağı var..." | Dənizdəki qandonduran hadisənin detalları - Baku TV

Astarada boğulma hadisəsi baş verib.

Hadisə Xəzər dənizinin Astara şəhəri ərazisində, nəzarət olunmayan hissəsində qeydə alınıb.

Masallı rayonunun Kosagül kənd sakini, 36 yaşlı Elman Məmmədov qohumları ilə birlikdə çimmək üçün dənizə gəlib.

Sakinlərdən birinin sözlərinə görə, Elman Məmmədov qohumlarına dənizdən çıxmalarını deyib və onların ardınca gələcəyini bildirib. Lakin bir müddət sonra onun sudan çıxmadığı məlum olub.

“Bacım oğlu ilə bir yerdə gəliblər. O qalıb dənizdə. Bacım oğluna deyib ki, siz çıxın, mən də gəlirəm. Ondan sonra axtarırıq, tapa bilmirik. Dənizdə qalıb, çıxa bilməyib. Ailəlidir, beş uşağı var”, – sakin bildirib.

Hadisə ilə bağlı əraziyə Masallı rayon Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri cəlb olunub.

Hazırda Elman Məmmədovun axtarışları davam etdirilir.