Saxlanılan daha bir neçə tiktokerin cinayət işi ilə bağlı qərar verildi - Baku TV

Narkotik vasitələrin qanunsuz dövriyyəsində təqsirləndirilən “Vaqa” ləqəbli tiktoker Vüqar Zeynalzadənin barəsində olan cinayət işinə xitam verilib.

“Oxu.Az”ın əldə etdiyi məlumata görə, istintaq orqanının qərarı ilə onun barəsində başlanmış cinayət işinin istintaqı başa çatıb və işə xitam verilib.

Xatırladaq ki, Vüqar Zeynalzadə 2024-cü ilin dekabr ayında saxlanılıb. Ona qarşı Cinayət Məcəlləsinin satış məqsədi olmadan külli miqdarda qanunsuz narkotik vasitələr və ya psixotrop maddələri saxlama və ya daşıma maddəsi ilə ittiham irəli sürülüb, məhkəmənin qərarı ilə barəsində həbs qətimkan tədbiri seçilib. Bakı Apellyasiya Məhkəməsi Vüqar Zeynalzadənin barəsində olan həbs qətimkan tədbirini ev dustaqlığı qətimkan tədbiri ilə əvəzləmişdi.

Qeyd edək ki, Vüqar Zeynalzadə ilə yanaşı, “Xan” ləqəbli Əsgər Əlizadə, “Nuh” ləqəbli Nuh Məmmədzadənin də cinayət işinə xitam verilib.

Əlavə edək ki, bir neçə gün öncə Azər Zahid və köməkçisinin də cinayət işinə xitam verilib.