Şəkidə dəhşətli yol qəzası | Ölən və yaralananlar var

Şəkidə “KamAZ” piyadanı vurub, daha sonra traktorla toqquşub.

Axşam saat 17 radələrində Şəki rayonunun Aşağı Göynük kəndi ərazisində hərəkətdə olan “KamAZ” markalı avtomobil əvvəlcə yolun kənarındakı piyadanı vurub, daha sonra isə traktora çırpılıb. Nəticədə, piyada aldığı xəsarətlərdən ölüb, “KamAZ” və traktorun sürücüsü xəsarət alıb.

Daxili İşlər Nazirliyindən bildirilib ki, ölüm və xəsarətlərlə nəticələnən yol nəqliyyat hadisəsi ilə bağlı Şəki Şəhər Rayon Polis Şöbəsində cinayət işi başlanılıb, istintaq aparılır.

Qəza zamanı hadisə yerində həyatını itirən 1956-cı il təvəllüdlü Şəki rayonu Köndələn kənd sakini Yusif Cabbar oğlu Mustafayevdir. Qəzada xəsarətalanlar 1994-cü il təvəllüdlü, Aşağı Göynük kənd sakini Abdullayev Samir Nazim oğlu Abdullayev, 1990-cı il təvəllüdlü, Balakən rayon sakini Oruc Qurban oğlu Muradovdur.

Yaralıların müalicəsi Şəki Rayon Mərkəzi Xəstəxanasında (RMX) davam etdirilir.