Sərhədçilər Xəzər dənizində əməliyyat keçirdi | DSX-dən təcili məlumat

Dövlət sərhədini pozmaqla Azərbaycana külli miqdarda narkotik vasitəni keçirməyə cəhd göstərən mütəşəkkil qaçaqmalçı qrupun qarşısı alınıb.

Dövlət Sərhəd Xidmətindən verilən məlumata görə, Xəzər dənizinin Salyan reydi istiqamətində sürətlə hərəkət edən bir ədəd naməlum üzmə vasitəsi müşahidə edilib. Sərhəd gəmisi tərəfindən işıq və səs siqnallarından istifadə edilməklə “Dayan” komandası verilib, xəbərdarlıq atəşi açılıb.

Sərhədçilərin qanuni tələblərinə məhəl qoymayaraq Azərbaycanın ərazi sularını tərk etməyə cəhd göstərən sərhəd pozucularının saxlanılması məqsədilə silah tətbiq edilib, nəticədə, iki sərhəd pozucusu yaralanıb. Təxliyə zamanı həkimlərin səyinə baxmayaraq, onlardan biri ölüb.

Layner tipli üzmə vasitəsinə keçirilən baxış zamanı 33 kiloqram 75 qram narkotik vasitə marixuana, 2 ədəd GPS və 1 ədəd peyk telefonu aşkarlanaraq götürülüb. Onların İran vətəndaşları olduğu müəyyən edilib.

Fakt üzrə əməliyyat-istintaq tədbirləri davam etdirilir.