Pleyeri seçin:
Sürət yarışına girib “TikTok”da paylaşanlar həbs olundu
“TikTok” sosial şəbəkə hesabında yayılan videogörüntü əsasında Baş Dövlət Yol Polisi İdarəsinin Yol-patrul Xidməti Alayında aparılan araşdırmalarla Salyan rayon sakinləri Anar Hüseynovun “Hyundai” markalı, Surət Əliyevin isə VAZ-2107 markalı avtomobillərlə sürət yarışı təşkil edərək avtoxuliqanlıq əməli törətmələri müəyyən olunub.
BDYPİ-dən verilən xəbərə görə, digər hərəkət iştirakçıları üçün təhlükə yaratmaqla kobud qayda pozuntularına yol verən hər iki sürücü barəsində Azərbaycan Respublikasının İnzibati Xətalar Məcəlləsinin müvafiq maddəsinə əsasən, protokollar tərtib edilərək baxılması üçün aidiyyəti üzrə məhkəməyə göndərilib.
Məhkəmənin qərarına əsasən, hər iki şəxsin sürücülük hüququ məhdudlaşdırılmaqla Anar Hüseynov 15, Surət Əliyev isə 20 gün müddətinə inzibati qaydada həbs ediliblər.
Kopyalandı
#Salyan rayonu teqi istifadə olunub
Seçilmişlər
