Pleyeri seçin:
Tanınmış plastik cərrah qətlə yetirildi
Xəbərlərimizi Google-da izləyin
Yeniliklərdən dərhal xəbərdar olun
Mayın 7-sinə keçən gecə Abşeron rayonu, Novxanı qəsəbəsi, İlqar Mirzəyev küçəsində yerləşən bağ evində qətl törədilib.
“Qafqazinfo”nun məlumatına görə, Türkiyə vətəndaşı 56 yaşlı Muhammet Gündüz həyat yoldaşı, tanınmış plastik-cərrah Türkan Yafəs qızı Gündüzü bıçaqlayıb. Ağır xəsarətlər alan 41 yaşlı qadın hadisə yerində dünyasını dəyişib.
Məlumata görə, Türkan Gündüz ixtisaslı plastik cərrah, proktoloq olub. O, bir sıra tanınmış klinikalarda, eləcə də Türkiyədə yerləşən “Acıbadem” xəstəxanasında çalışıb, həmçinin vaxtaşırı televiziya verilişlərində qonaq olub. T.Gündüz son günlərdə Bakıdakı klinikaların birində fəaliyyət göstərib.
Qətli törədən M.Gündüzün isə biznes fəaliyyəti ilə məşğul olduğu, onların 14 il əvvəl ailə həyatı qurduğu bildirilir. Hadisəni törədən M.Gündüz saxlanılıb.
Faktla bağlı Abşeron Rayon Prokurorluğunda Cinayət Məcəlləsinin qəsdən adam öldürmə maddəsi ilə cinayət işi başlanıb. Hadisənin hansı zəmində, hansı şəraitdə və nə səbəbdən baş verməsi hələlik məlum deyil, araşdırmalar davam etdirilir.
Kopyalandı
#Türkan Gündüz teqi istifadə olunub
Seçilmişlər
