Türkanda arvadına və qızına uyğunsuz hərəkətlər edən şəxs barədə DİN-dən açıqlama

Bakıda ata azyaşlı qızına və həyat yoldaşına şiddət göstərib.

Bu barədə görüntülər sosial şəbəkələrdə yayılıb. Videoda atanın azyaşlı qızına şiddət göstərdiyi, döydüyü görünür. Əvvəlcə əlindəki əşya ilə azyaşlını vurur, sonra əli ilə balacanın başından dəfələrlə çırpır.

Sosial şəbəkələrdə yayılan məlumata görə, 40 yaşlı Elnur adlı şəxs ondan öncə isə uşağın anasını döyüb. Kadrları çəkənin də məhz ana olduğu iddia edilir.

Hadisənin Xəzər rayonunda baş verdiyi bildirilir. Türkan kənd sakini olduğu deyilən atanın uşağına qarşı şiddəti ictimaiyyətdə ciddi narazlığa səbəb olub. İndi hər kəsi uşağın taleyi, aidiyyəti qurumların görəcəyi tədbirlər düşündürür.

Daxili İşlər Nazirliyi hadisə ilə bağlı açıqlamasında məsələnin nəzarətə götürüldüyünü bildirir:

“Əməldə xuliqanlıq cinayətinin tərkib əlamətləri olduğuna görə fakt üzrə cinayət işi qaldırılıb, istintaq hərəkətləri davam etdirilir".

Ailə, Qadın və Uşaq Problemləri üzrə Dövlət Komtəsi də buna bənzər açıqlama verib. Məsələ diqqətdə saxlanılır, araşdırma aparılır.