Xırdalanda iki "KamAz "toqquşdu | Yaralanan var

Xırdalan şəhərində xəsarətlə nəticələnən yol qəzası baş verib. Bu barədə Fövqəladə Hallar Nazirliyindən bildirilib.

Məlumata görə, qəza zamanı “KamAZ” markalı iki yük avtomobili toqquşub. Nəticədə sürücülərdən biri deformasiyaya uğramış nəqliyyat vasitəsində sıxılı vəziyyətdə qalıb.

Hadisə yerinə xilasedicilər cəlb olunub və xüsusi vasitələrin köməyi ilə avtomobildə sıxılı vəziyyətdə qalan sürücü 21 yaşlı Əzim Ələkbərov xilas edilərək təcili tibbi yardım briqadasına təhvil verilib.

Hadisə ilə əlaqədar müvafiq qurumlar tərəfindən təhqiqat aparılır.