Yeniyetməyə zorakılıq edənlərdən biri qardaşıdır

Bakıda 14 yaşlı qıza qarşı cinsi zorakılıq edilib. Hadisə paytaxtın Suraxanı rayonu, Hövsan qəsəbəsində qeydə alınıb.

İddia olunur ki, 14 yaşlı qıza qarşı zorakılıq edən iki nəfərdən biri onun öz doğma qardaşıdır. İddia ailə ilə bağlı olduğu üçün yeniyetmə qız Azərbaycan Uşaqlar Birliyinin sığınacağına yerləşdirilib.

Məsələ ilə bağlı Ailə, Qadın və Uşaq problemləri üzrə dövlət komitəsindən verilən məlumata görə, yeniyetmənin başına gələnlər ciddi araşdırılır.

14 yaşlı qızın təcavüzlə üzləşməsi faktı hazırda Baş Prokurorluq tərəfindən də nəzarətə götürülüb.