Bu gün AVRO-2024-də yarımfinal mərhələsinə start verilir

Bu gün futbol üzrə Avropa çempionatında ilk finalçı məlum olacaq.

Həlledici oyuna vəsiqə uğrunda İspaniya və Fransa milliləri üz-üzə gələcək.

Bakı vaxtı ilə saat 23:00-da başlayacaq matçdan əvvəl “Qırmızı Furiya”da bir sıra itkilər var. Dani Karvahal və Roben Le Norman vərəqə cəzalısı olduqları üçün, Pedri isə zədəyə görə matçda iştirak edə bilməyəcəklər. Fransa yığması isə qarşılaşmaya tam heyətlə hazırlaşır.

Münhendəki “Alyans Arena”da keçiriləcək oyunda ədaləti Slavko Vinçiçin başçılıq etdi sloveniyalı hakimlər briqadası qoruyacaq.

Qeyd edək ki, yarışın 3 qat qalibi olan İspaniya yığması və iki dəfə qızıl medalları qazanan Fransa kollektivi indiyədək 36 dəfə üz-üzə gəliblər. Bu matçların 16-da ispanlar, 13-də isə fransızlar qalib gəlibsə, daha 7 görüşdə sülh qeydə alınıb. Maraqlıdır ki, bu oyunlardan biri 1984-cü il Avropa çempionatının finalında keçirilib və həmin qarşılaşmada 2-0 hesabı ilə güclü olan fransızlar tarixlərində ilk dəfə bu yarışda qələbə qazanıblar.