Pleyeri seçin:
İtaliya kubokunda final matçı keçirildi
Xəbərlərimizi Google-da izləyin
Yeniliklərdən dərhal xəbərdar olun
Futbol üzrə İtaliya kubokunda qalibin adına aydınlıq gəlib.
Ötən il də yarışda qələbə qazanan “İnter” komandası “Fiorentina” ilə qarşılaşıb. Romanın “Olimpiko” arenasında keçirilən matçda hesab erkən açılıb. Artıq 3-cü dəqiqədə Nikolas Qonsales florensiyalılara üstünlük qazandırıb. Lakin çox keçmədən “neradzurri” hesabı bərabərləşdirib. 29-cu dəqiqədə Lautaro Martines rəqib qapısını dəqiq nişan alıb: 1-1. 8 dəqiqə sonra Milan klubu hesabda irəli keçib. Lautaro dubl edib: 2-1. İlk hissədə başqa qol olmayıb.
Fasilədən sonra “Fiorentina” məğlubiyyətdən qurtulmağa çalışsa da, bu, nəticə verməyib. Sərfəli hesabı qoruyan “İnter” ardıcıl 2-ci il İtaliya kubokunun sahibi olub. Bu, komandanın sözügedən turnirdə ümumilikdə 9-cu qələbəsidir.
Qeyd edək ki, A Seriyasında çempionluq yarışından kənarda qalan “neradzurri” avrokubokda uğurlu mövsüm keçirir. Çempionlar liqasının finalına yüksələn baş məşqçi Simone İnzaqinin kollektivi burada “Mançester Siti” ilə üz-üzə gələcək.
Kopyalandı
Seçilmişlər
