Pleyeri seçin:
"Yuventus" komandası növbəti uğura imza atıb
A Seriyasında çempionluq yarışında olan “Yuventus” İtaliya kubokunda da yoluna uğurla davam edir.
Yarışın 1/4 final mərhələsində “Frozinone” ilə qarşılaşan “Qoca Sinyora” darmadağınla qalib gəlib. Turin təmsilçisinin heyətində Arkadiuş Milik parlaq çıxışı ilə diqqət çəkib. 11-ci dəqiqədə penaltidən fərqlənərək hesabı açan polşalı hücumçu, 38-ci dəqiqədə dubl edib: 2-0.
2-ci yarının əvvəlində isə Milik het-trikini rəsmiləşdirib. Qalan vaxtda da üstünlüyünü qoruyan “Yuve” 61-ci dəqiqədə 4-cü qolu vurub. Komandanın türkiyəli forvardı Kənan Yıldızın topu yekun hesabı müəyyənləşdirib. “Yuventus” – “Frozinone”: 4-0.
Bütün yarışlarda 16 oyundur uduzmayan Turin klubu növbəti mərhələdə “Latsio” ilə üz-üzə gələcək. Yarımfinalın digər matçında isə “Fiorentina” və “Atalanta” komandaları qarşılaşacaq.
Kopyalandı
Seçilmişlər
