Pleyeri seçin:
Qara Qarayev 4 klubun diqqət mərkəzində
“Neftçi” klubu ilə yollarını ayıran Qara Qarayev karyerasını harada davam etdirəcəyinə hələ ki qərar verməyib.
Yerli mediada yayılan məlumata görə, 32 yaşlı yarımmüdafiəçi 4 kollektivin hədəfindədir.
“Turan Tovuz”, “Səbail”, “Sabah” və “Zirə” klubları Qaranın keçidinə maraq göstərir. Təcrübəli oyunçunun isə gələn həftənin sonuna kimi seçimini edəcəyi gözlənilir.
Qeyd edək ki, Qara Qarayev 2023-cü ilin yayından “ağ-qaralar”ın formasını geyinirdi. Komandaya azad agent kimi cəlb olunan futbolçu bütün yarışlarda 28 matça çıxıb. Bu oyunlarda 1 qol vuran Qara həm də 2 məhsuldar ötürmə müəllifi olub.
Xatırladaq ki, Qara Qarayev daha əvvəl “Qarabağ”da top qovub. 2011-2023-cü illər ərzində 445 matçda “köhlən atlar”ın şərəfini qoruyan yarımmüdafiəçi ağdamlılarla ölkə çempionatında 9, Kubokda isə 4 dəfə qalib gəlib. 2014-2022-ci illərdə Azərbaycan millisinə də çağırılan Qara 76 qarşılaşmada iştirak edib.
Kopyalandı
#Qara Qarayev teqi istifadə olunub
Seçilmişlər
