Pleyeri seçin:
"Real Madrid" superkubokun finalında bu komanda ilə qarşılaşacaq
İspaniya superkubokunda son finalçının adına aydınlıq gəlib. Yarımfinal mərhələsinin 2-ci oyununda “Barselona” və “Osasuna” komandaları qarşılaşıblar.
Səudiyyə Ərəbistanının paytaxtı Ər-Riyadda keçirilən görüşün ilk hissəsində qol vəziyyətləri yaransa da, hesab açılmayıb. 2-ci yarıda hücumlarını sürətləndirən “Barselona” 59-cu dəqiqədə irəli çıxmağı bacarıb. Robert Levandovski rəqib qapısını dəqiq nişan alıb.
Bundan sonra da təzyiqi davam etdirən “blauqrana” görüşün sonlarında daha bir qol vurub. Lamin Yamal matçda son nöqtəni qoyub: “Barselona” - “Osasuna” 2-0.
Bu nəticə ilə kataloniyalılar superkubokun finalında “Real Madrid”ə rəqib olublar. Ər-Riyaddakı “Əl-Əvval” stadionunda baş tutacaq həlledici qarşılaşma yanvarın 14-ü saat 23-də start götürəcək.
Kopyalandı
