Azərbaycanda bank və sığortaçılar arasında memorandum imzalandı

Azərbaycanda əhalinin və biznesin müxtəlif xarakterli risklərə qarşı müdafiəsinin gücləndirilməsi məqsədilə Azərbaycan Banklar Assosiasiyası (ABA) və Azərbaycan Sığortaçılar Assosiasiyası (ASA) tərəfindən genişmiqyaslı intensiv əməkdaşlıq platforması formalaşdırılıb. Əməkdaşlığın həyata keçirilməsi məqsədilə ABA və ASA tərəfindən birgə layihə şurası təsis edilib, müxtəlif ekspert işçi qrupları yaradılıb.

Bununla bağlı oktyabrın 6-da ASA ilə ABA arasında əməkdaşlıq memorandumu imzalanıb.

“Azərbaycanda sosial dövlət modeli istiqamətində inkişaf gedir və vətəndaşlarımızın maddi dayanıqlılığının qorunması, mövcud fərqli risklərə qarşı müdafiəsinin gücləndirilməsi hədəf kimi seçilib. Bu məqsədlə ASA ilə ABA arasında memorandum imzalanıb. İlkin addım olaraq istehlak kreditlərinin sığortalanması nəzərdə tutulur”, – ASA-nın icraçı direktoru Elmar Mirsalayev qeyd edib.