Böyük Qayıdış üçün lazım olan vəsait: Maliyyə Nazirliyi rəqəmləri açıqladı

Böyük Qayıdışa dair Birinci Dövlət Proqramının icrası üçün lazım olan vəsaitin məbləği açıqlanıb.

Maliyyə Nazirliyinin "2024-2027-ci illər üzrə Ortamüddətli Büdcə Çərçivəsi"ndə bildirilib ki, bu məqsədlə 2022-2026-cı illərdə təqribən 30 milyard 500 milyon manat məbləğində vəsait tələb olunur.

Qeyd edək ki, 2020-2022-ci illərin dövlət büdcəsindən bu istiqamətdə təxminən 6 milyard 600 milyon manat vəsait ayrılıb. 2023-cü ilin dövlət büdcəsində sözügedən Proqramın icrası üçün 5 milyard 300 milyon manat, 2024-2026-cı illərdə ümumilikdə 10 milyard 600 milyon manat ayrılması nəzərdə tutulur.

Beləliklə, proqnozlaşdırılan vəsait də nəzərə alınmaqla, Proqramın icrası üçün 2020-2026-cı illər üzrə ümumilikdə ayrılacaq vəsaitin həcmi 22 milyard 400 milyon manata çatdırılacaq.