Neft Fondu dollar satışını kəskin azaldıb

2023-cü ilin sentyabrında Mərkəzi Bankda keçirilən valyuta hərraclarında satılan 259,8 milyon ABŞ dolları vəsaitin cəmi 63 faizi Dövlət Neft Fonduna məxsus olub. Digər hissəsi Mərkəzi Banka aid olub.

Ümumilikdə isə Neft Fondunun 2023-cü ildə dövlət büdcəsinə köçürməli olduğu məbləğin yuxarı həddi 11 milyard 738 milyon manata yaxın olsa da, qurum yanvar-sentyabr aylarında hərraclarda cəmi 2 milyard 556 milyon dollar satıb.

O zaman sual yaranır, Fond niyə nəzərdə tutulandan daha az valyuta satıb? Bu göstəricilərin manatın məzənnəsinə hər hansı təsiri mümkündürmü?