SOCAR-ın operatorluğu ilə “Üstyurt” layihəsində çöl seysmik işləri uğurla həyata keçirildi - Baku TV

SOCAR-ın operatoru olduğu Özbəkistanın “Üstyurt” geoloji-kəşfiyyat layihəsi üzrə çöl seysmik işləri uğurla başa çatdırılıb.

Bu barədə AZƏRTAC şirkətə istinadən məlumat yayıb.

Qeyd edilib ki, 2025-ci ilin dekabr ayında “Üstyurt” geoloji-kəşfiyyat layihəsinə start verilib. Bu müddət ərzində sərt iqlim və məhdud kommunikasiya imkanlarına baxmayaraq, SOCAR-ın operatorluğu ilə çöl seysmik işləri uğurla həyata keçirilib.

Bildirilib ki, layihə regionda yeni texnologiyaların tətbiqi, ətraf mühitin mühafizəsi və təhlükəsizlik qaydalarına uyğun aparılıb.

Xatırladaq ki, 2025-ci il iyulun 24-də Özbəkistanın Energetika Nazirliyi, SOCAR və "Özbəkneftqaz" SC Üstyurd neft-qaz regionunun investisiya bloklarında geoloji kəşfiyyat işlərinin aparılmasını və sonrakı karbohidrogen hasilatını nəzərdə tutan Hasilatın Pay Bölgüsü Sazişini imzalayıb.