SOCAR və Dünya Bankı arasında görüş: mühüm detallar açıqlandı

Dövlət Neft Şirkəti və Dünya Bankı neft-qaz hasilatı, bərpaolunan enerji, dekarbonizasiya və rəqəmsallaşma sahələrində əməkdaşlıq perspektivlərini müzakirə edib.

Müzakirələr SOCAR-ın prezidenti Rövşən Nəcəflə Dünya Bankının Avropa və Mərkəzi Asiyada enerji və struktur üzrə regional direktoru Çarlz Kormier arasında baş tutan görüşdə aparılıb.

Görüş zamanı Azərbaycanla Dünya Bankı arasında uzunmüddətli səmərəli əməkdaşlıqdan məmnunluq ifadə edilib, enerji sektorunda reallaşdırılan strateji layihələrin, o cümlədən Cənub Qaz Dəhlizinin regionun igtisadi inkişafı və Avropanın enerji təhlükəsizliyi baxımından əhəmiyyəti vurğulanıb.

Görüş çərçivəsində SOCAR-ın uzunmüddətli hədəflərindən bəhs edilib, bu xüsusda enerji keçidinin prioritet istiqamət kimi müəyyənləşdirildiyi qeyd edilib. Tərəflər həmçinin qarşılıqlı maraq doğuran digər məsələlər ətrafında fikir mübadiləsi aparıb.