İqtisadiyyat
Pleyeri seçin:
Unun topdansatış qiymətində azalma | 50 kiloqramlıq kisə indi neçəyədir?
İyunun 30-na olan vəziyyətə görə, Azərbaycanda un istehsalçılarının topdansatış məntəqələrində 50 kiloqramlıq un kisəsinin qiyməti 25 manat 80 qəpik-28 manat arasında dəyişib.
Prezident yanında Antiinhisar və İstehlak Bazarlarına Nəzarət Dövlət Agentliyi xəbər verir ki, bu göstərici ötən həftə ilə müqayisədə 3 %-0,7 % azalma ilə müşahidə olunub.
Bakı şəhərində və Abşeron rayonunda isə unun topdansatış qiyməti 26 manat 50 qəpik-27 manat 50 qəpik arasında dəyişib. Burada da qiymətlər müvafiq olaraq 1,8-1 % azalıb.
Məlumata görə, ölkə üzrə unun ən aşağı topdansatış qiyməti Şabran rayonunda qeydə alınıb – 25 manat 80 qəpik. Bu da əvvəlki həftəyə nisbətən 3 % ucuzdur. Ən yüksək qiymət isə Gəncə şəhərində müşahidə olunub – burada 50 kiloqramlıq un kisəsi 28 manata satılıb ki, bu da həftəlik müqayisədə 0,7 % azdır.
Kopyalandı
Seçilmişlər
